ನಾಪೋಕ್ಲಿಗೆ ಸೋಮವಾರ ದಿಢೀರ್ 2ಇಂಚು ಮಳೆ -ಜನರ ಪರದಾಟ

 

ವರದಿ :ಝಕರಿಯ ನಾಪೋಕ್ಲು

ನಾಪೋಕ್ಲು (web@timesofcoorg) :ಸೋಮವಾರ ಮದ್ಯಾಹ್ನ ನಾಪೋಕ್ಲು ಪಟ್ಟಣ ಸೇರಿದಂತೆ ಸುತ್ತಮುತ್ತಲಿನ ಪ್ರದೇಶಗಳಿಗೆ 2 ಇಂಚಿಗೂ ಅಧಿಕ ಮಳೆ ಸುರಿಯಿತು.

ನಾಪೋಕ್ಲುವಿನಲ್ಲಿ ಸೋಮವಾರ ಸಂತೆ ದಿನವಾದ್ದರಿಂದ ಧಿಡೀರ್ ಮಳೆ ಸುರಿದಿದ್ದರಿಂದ ಸಂತೆಗೆ ಬಂದ ಜನರು ನಗರದ ಮಾರುಕಟ್ಟೆಯಲ್ಲಿ ಕೊಡೆ ಇಲ್ಲದೆ ಪರದಾಡುತ್ತಿದ್ದ ದೃಶ್ಯ ಕಂಡುಬಂತು. ಭಾರಿ ಗಾಳಿ ಗುಡುಗಿ ನೊಂದಿಗೆ ಸುರಿದ ಮಳೆಯಿಂದಾಗಿ ಕೆಲಕಾಲ ಜನಜೀವನ ಅಸ್ತವ್ಯಸ್ತಗೊಂಡಿತು. ಅಲ್ಲದೇ  ಬೇತು ರಸ್ತೆಯಲ್ಲಿನ ಕೆಲವು ಅಂಗಡಿಗಳಿಗೆ ಮಳೆಯಿಂದ ಹರಿದು ಬಂದ ನೀರು  ಸೇರಿಕೊಂಡು ಅಂಗಡಿ ಮಾಲೀಕರು ಪರದಾಡುತಿದ್ದರು.ಅಲ್ಲದೇ ಈ ಮಳೆಯು ಕಾಫಿ, ಹಾಗೂ ಇನ್ನಿತರ ಬೆಳೆಗಳಿಗೆ ಭಾರಿ ತೊಂದರೆಯಾಗಿದ್ದು ಜನರು ಮಳೆಗೆ ಹಿಡಿ ಶಾಪ ಹಾಕುತ್ತಿರುವುದು ಕಂಡುಬಂತು.