ಗೂಡ್ಲೂರಿನಲ್ಲಿ ಅರ್ಥಪೂರ್ಣ ಗಾಂಧಿ ಜಯಂತಿ ಆಚರಣೆ

ಗುಡ್ಲೂರು ಗ್ರಾಮದಲ್ಲಿ ಅರ್ಥಪೂರ್ಣ ಗಾಂಧಿ ಜಯಂತಿ.

ಗಾಂಧೀಜಿಯವರ ಆದರ್ಶಗಳನ್ನು ಮೈಗೂಡಿಸಿಕೊಳ್ಳಲು ಗಣ್ಯರ ಕರೆ

 

ಸಿದ್ದಾಪುರ : ದೇಶಕ್ಕೆ ಸ್ವಾತಂತ್ರ ತಂದುಕೊಟ್ಟ ಮಹಾನ್ ವ್ಯಕ್ತಿತ್ವ ಹೊಂದಿರುವ ರಾಷ್ಟ್ರಪಿತ ಮಹಾತ್ಮ ಗಾಂಧಿಯವರ ಜೀವನ ಆದರ್ಶಗಳನ್ನು ಪ್ರತಿಯೊಬ್ಬರು ಅಳವಡಿಸಿಕೊಂಡು ಮುನ್ನಡೆದಲ್ಲಿ  ಶಾಂತಿ ಸಹಬಾಳ್ವೆಯ ಸುಂದರ ಸಮಾಜ ನಿರ್ಮಾಣ ಮಾಡಲು ಸಾಧ್ಯವಾಗಲಿದೆ ಎಂದು ಮಾಲ್ದಾರೆ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಸಮೀರ್  ಅಭಿಪ್ರಾಯಪಟ್ಟರು

ಮಾಲ್ದಾರೆ ಸಮೀಪದ ಗುಡ್ಲೂರು ಗ್ರಾಮದಲ್ಲಿ  ಜನಪರ ಸಂಘದ ವತಿಯಿಂದ ಗಾಂಧಿ ಜಯಂತಿ ಆಚರಣೆಯ ಪ್ರಯುಕ್ತ  ತಂಗುದಾಣದ ಬಳಿ ಬಿಡಿಸಲಾಗಿರುವ ಬೃಹತ್  ಗಾಂಧೀಜಿಯವರ ಭಾವಚಿತ್ರಕ್ಕೆ  ಪುಷ್ಪಾರ್ಚನೆ ಮಾಡುವ ಮೂಲಕ  ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿ

ಗಾಂಧೀಜಿಯವರ ಸ್ವಚ್ಛಭಾರತದ ಕನಸು ನನಸು ಮಾಡಲು ನಾವೆಲ್ಲರೂ ಸುಂದರ ಗ್ರಾಮವನ್ನಾಗಿಸಲು ಕೈ ಜೋಡಿಸಬೇಕೆಂದು ಹೇಳಿದರು.

ಜನಪರ ಸಂಘ ಅಧ್ಯಕ್ಷ ಅಂಟೋನಿ ಮಾತನಾಡಿ 

ಜನಪರ ಸಂಘದ ಮೂಲಕ ಹಲವಾರು ಸಮಾಜಮುಖಿ ಕಾರ್ಯಗಳನ್ನು ಮಾಡಲಾಗುತ್ತಿದ್ದು ಸುಂದರ ಪರಿಸರ ನಿರ್ಮಾಣವಾದಲ್ಲಿ ಆರೋಗ್ಯವಂತ ಸಮಾಜ ಕಾಣಲು ಸಾಧ್ಯವಾಗಲಿದೆ.

ಪರಿಸರ ಕಾಳಜಿಯೊಂದಿಗೆ ಗಿಡ ನೆಡುವ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದ್ದು

ಸ್ವಚ್ಛತೆ ಹಾಗೂ ಪರಿಸರದ ಬಗ್ಗೆ 

ಶಾಲಾ  ಮಕ್ಕಳು ಹಾಗೂ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸಲಾಗುತ್ತಿದ್ದು ಎಲ್ಲರೂ ಸಹಕರಿಸಬೇಕೆಂದು ಮನವಿ ಮಾಡಿದರು.

ಕಲಾವಿದ ಬಾವಾ ಮಾಲ್ದಾರೆ ಮಾತನಾಡಿ ಶಾಂತಿ ಸೌಹಾರ್ದತೆಗೆ ಹೆಸರುವಾಸಿಯಾಗಿರುವ ಮಾಲ್ದಾರೆ, ಗುಡ್ಲೂರು   ಗ್ರಾಮದಲ್ಲಿ ಎಲ್ಲಾ ರಾಷ್ಟ್ರೀಯ ಹಬ್ಬಗಳನ್ನು  ಆಚರಿಸಲಾಗುತ್ತಿದ್ದು  ಜನಪರ ಸಂಘಟನೆಯ ಸೇವಾ ಕಾರ್ಯ ಶ್ಲಾಘನೀಯವಾಗಿದೆ.

ಗ್ರಾಮದ ಏಳಿಗೆಗೆ ಶ್ರಮಿಸುತ್ತಿರುವ ಸೇವಾ ಸಂಘಟನೆಗಳ ಸಾಧನೆಗೆ ಸಹಕಾರ ನೀಡಬೇಕೆಂದು ಹೇಳಿದ ಅವರು ರಾಷ್ಟ್ರಪಿತ ಮಹಾತ್ಮ ಗಾಂಧಿ ಹಾಗೂ ಲಾಲ್ ಬಹದ್ದೂರ್ ಶಾಸ್ತ್ರಿಯವರ ಜೀವನ ಆದರ್ಶಗಳನ್ನು  ಮೈಗೂಡಿಸಿಕೊಳ್ಳಬೇಕೆಂದರು

ಮುಖ್ಯ ಅತಿಥಿಗಳಾಗಿ ಆದಿವಾಸಿ ಸಂಘಟನೆ  ಹೋರಾಟಗಾರ್ತಿ ಮುತ್ತಮ್ಮ, ಪತ್ರಕರ್ತ ಎಸ್.ಎಂ ಮುಬಾರಕ್,

ಗ್ರಾಮ ಪಂಚಾಯತಿ 

ಸದಸ್ಯ ಹನೀಫ್,

 ಮಾಜಿ ಸದಸ್ಯ ರಘು ಕಂಬಯ್ಯ, ಪ್ರಮುಖರಾದ ವಸಂತ, ಪ್ರಭಾಕರ್, ಶಾಜೀ, ಆಲಿ,ಜನಪರ ಸಂಘಟನೆಗಳ ಪ್ರಮುಖರಾದ ಪ್ರವೀಣ್, ಶ್ರೀಜಿತ್,ಪುನೀತ್, ಚಂದು, ರೋಷನ್,ಅಭಿ, ಆಸೀಸ್, ನೌಶಾದ್ ಸೇರಿದಂತೆ ಮತ್ತಿತರರು ಹಾಜರಿದ್ದರು.