ನಾಪೋಕ್ಲುವಿನಲ್ಲಿ ಮಾಸ್ಕ್ ಹಾಕದವರಿಗೆ ದಂಡ

 

ಕೋವಿಡ್ ಟಾಸ್ಕ್ ಫೋರ್ಸ್ ಸಮಿತಿಯಿಂದ ಕಠಿಣ ಕ್ರಮ 

ವರದಿ :ಝಕರಿಯ ನಾಪೋಕ್ಲು

ನಾಪೋಕ್ಲು (web@timesofcoorg) : ಸಂತೆ ದಿನವಾದ ಸೋಮವಾರದಂದು ಮಾಸ್ಕ್ ಹಾಕದೆ ಸಂತೆಗೆ ಬಂದ ಜನರಿಗೆ  ನಾಪೋಕ್ಲುವಿನ ಕೋವಿಡ್ ಟಾಸ್ಕ್ ಫೋರ್ಸ್ ಸಮಿತಿಯವರಿಂದ ಮಾರುಕಟ್ಟೆ ಹಾಗೂ ಪಟ್ಟಣದಲ್ಲಿ ದಂಡ ವಿಧಿಸಿ ಎಚ್ಚರಿಸಲಾಯಿತು.

 ಅಲ್ಲದೆ ಕಳೆದ ಎರಡು ಮೂರು ತಿಂಗಳುಗಳಿಂದ ಪಟ್ಟಣಕ್ಕೆ ಬರುವವರು ಕಡ್ಡಾಯವಾಗಿ ಮಾಸ್ಕ್  ಹಾಕಬೇಕೆಂದು ಟಾಸ್ಕ್ ಫೋರ್ಸ್ ಸಭೆಯಲ್ಲಿ ಅದೇಶಿಸಲಾಗಿತ್ತು . ಇದನ್ನು ಪಾಲಿಸದೆ ಮಾಸ್ಕ್ ಹಾಕದೆ ಪಟ್ಟಣದಲ್ಲಿ ಓಡಾಡುತ್ತಿದ್ದ ಜನರಿಗೆ ದಂಡ ವಿಧಿಸಿ ಮುಂದೆ ಈ ರೀತಿ ನಡೆದು ಕೊಳ್ಳದಂತೆ ಉಚಿತ ಮಾಸ್ಕ್ ನೀಡಿ  ಎಚ್ಚರಿಸಲಾಯಿತು.

ಅದರಂತೆ  ಸಂತೆ ಮಾರುಕಟ್ಟೆಯಲ್ಲಿ ವ್ಯಾಪಾರ ಮಾಡುವ ಮಾಲೀಕರು ಮತ್ತು ನಗರದಲ್ಲಿನ ಅಂಗಡಿ ಮಾಲೀಕರ ಕೋವಿಡ್ ಪರೀಕ್ಷಾ ನೆಗೆಟಿವ್ ವರದಿಯನ್ನು ಪರಿಶೀಲನೆ ಮಾಡಲಾಯಿತು.

ಈ ಸಂದರ್ಭದಲ್ಲಿ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಮಹಮ್ಮದ್ ಖುರೇಶಿ ,ಸದಸ್ಯ ಕಾಳೆಯಂಡ ಸಾಬಾ ತಿಮ್ಮಯ್ಯ,ಪಂಚಾಯತ್  ಅಭಿವೃದ್ಧಿ ಅಧಿಕಾರಿ ಚೋಂದಕ್ಕಿ, ಪಂಚಾಯಿತಿ ಸಿಬ್ಬಂದಿಗಳಾದ ಬೊಪ್ಪಂಡ ವಿರನ್,  ವೇಣು ಸುಬ್ಬಯ್ಯ, ಅಂಗನವಾಡಿ ಕಾರ್ಯಕರ್ತೆಯರಾದ ಆಶಾ, ಅಜಿತಾ, ಆಶಲತಾ,ಮತ್ತು ಆಶಾಕಾರ್ಯಕರ್ತೆಯರಾದ ರಮ್ಯಾ, ಚಂದ್ರಕಲಾ, ಗೀತಾ,ಮತ್ತಿತರರು ಇದ್ದರು.