ಕೊಡ್ಲಿಪೇಟೆ : ಮಾಸಿಕ ಮಹ್ಳರತುಲ್ ಬದ್ರಿಯಾ ಹಾಗೂ SYS ಸದಸ್ಯತ್ವ ಅಭಿಯಾನ ಅಭಿಯಾನ

      ಕೊಡ್ಲಿಪೇಟೆ (web@timesofcoorg) : ಮಾಸಿಕ ಮಹ್ಳರತುಲ್ ಬದ್ರಿಯಾ ಹಾಗೂ SYS ಮೆಂಬರ್ ಶಿಪ್ ಅಭಿಯಾನ ಬಹಳ ಯಶಸ್ವಿಯಾಗಿ ಕೊಡ್ಲಿಪೇಟೆ ಸುನ್ನೀ ಸೆಂಟರ್ ನಲ್ಲಿ ನಡೆಯಿತು. ಈಗ ನಮ್ಮ ಊರಿನಲ್ಲಿ ವಾಸವಿರುವ ಹಮೀದ್ ಐಗೂರು ಮತ್ತು ಮೂಸ ಹೊಸೂರು ಹೊಸ SYS ಮೆಂಬರ್ ಗಳಾಗಿ ಸೇರ್ಪಡೆಯಾದರು.

ಮಹ್ಳರತುಲ್ ಬದ್ರಿಯಾ ನೇತೃತ್ವವನ್ನು ಮುಹಮ್ಮದ್ ಫಾಳಿಲಿ ಅಲ್ ಕಾಮಿಲಿ ಹಾಗೂ ಕೊನೆಯ ಪ್ರಾರ್ಥನೆಗೆ ಸ್ವಾಲಿಹ್ ರಹ್ಮಾನಿ ನೇತೃತ್ವ ನೀಡಿದರು. ಇಶಾರ ತಲುಪದ ಚಂದಾದಾರರನ್ನು ಅರಿತು ಅದಕ್ಕೆ ಬೇಕಾದ ವ್ಯವಸ್ಥೆಯನ್ನು ಮಾಡುವುದಾಗಿ ತೀರ್ಮಾನಿಸಲಾಯಿತು. ಮುಹಮ್ಮದ್ ಫಾಳಿಲಿ ಅವರ ವತಿಯಿಂದ ಊಟದ ವ್ಯವಸ್ಥೆ ಹಾಗೂ ಖತರ್ ಮೋಣುಚ್ಚ ವತಿಯಿಂದ ಟೀ ಹಾಗೂ ಲಘು ಉಪಹಾರ ವಿತರಿಸಲಾಯಿತು.

ಸಭೆಯಲ್ಲಿ ನಮ್ಮ ಪರಿಸರದ ಒಂದು ಹಿಂದೂ ಬಡ ಹೆಣ್ಣಿನ ಮದುವೆಗೆ ಸಹಾಯಾರ್ಥವಾಗಿ 5200 ಸ್ಥಳದಲ್ಲೇ ಕಲೆಕ್ಷನ್ ಮಾಡಲಾಯಿತು. ಕೊನೆಯಲ್ಲಿ ಎಲ್ಲಾ ರೀತಿಯಲ್ಲೂ ಸಹಕರಿಸುವ ನಮ್ಮ ಎಲ್ಲಾ ಕಾರ್ಯಕರ್ತರಿ‌ಗೂ ದುಆ ನಡೆಸಿ ಕಾರ್ಯಕ್ರಮ ಮುಕ್ತಾಯಗೊಂಡಿತು. ಕಾರ್ಯಕ್ರಮದಲ್ಲಿ SYS SSF KCF SBS ನ ಕಾರ್ಯಕರ್ತರು ಭಾಗವಹಿಸಿದ್ದರು.