ಕೊಡಗು ಸುನ್ನಿ ವೆಲ್ಫೇರ್ ಅಸೋಶಿಯೇಶನ್ ಜಿಸಿಸಿ ವತಿಯಿಂದ ಸನ್ಮಾನ ಕಾರ್ಯಕ್ರಮ

 

ವರದಿ :ಝಕರಿಯ ನಾಪೋಕ್ಲು 

ನಾಪೋಕ್ಲು (web@timesofcoorg) : ಕೊಡಗು ಸುನ್ನಿ ವೆಲ್ಫೇರ್ ಅಸೋಶಿಯೇಷನ್ ಜಿಸಿಸಿ ವತಿಯಿಂದ ಪ್ರತಿ ದಿನ ಹದೀಸ್ ತರಗತಿಗಳಿಗೆ ನೇತೃತ್ವ ನೀಡಿದ ಮುಜೀಬ್ ಸಖಾಫಿ ಉಸ್ತಾದವರನ್ನು ಸನ್ಮಾನಿಸುವ ಕಾರ್ಯಕ್ರಮವು ಬೆಂಗಳೂರಿನ ಹಲಸೂರು ಮರ್ಕಿನ್ಸ್ ಕ್ಯಾಂಪಸ್ಸಿನಲ್ಲಿ  ಮರ್ಕಿನ್ಸ್ ನ ಪ್ರಾಂಶುಪಾಲರಾದ ಜಹ್ಫರ್ ಅಹ್ಮದ್ ನೂರಾನಿ ಅವರ ಪ್ರಾರ್ಥನೆಯೊಂದಿಗೆ KSWA ನ ಬೆಂಗಳೂರು ಅಧ್ಯಕ್ಷರಾದ ಬಶೀರ್ ಸಅದಿ ಅವರ ಅಧ್ಯಕ್ಷತೆಯಲ್ಲಿ ನಡೆಯಲಾಯಿತು.

ಪ್ರಸ್ತುತ ಕಾರ್ಯಕ್ರಮವನ್ನು ಕೊಡವ ಮುಸ್ಲಿಂ ಅಸೋಶಿಯೇಷನ್ ನ ಸ್ಥಾಪಕ ಅಧ್ಯಕ್ಷರಾದ ಹಂಝತುಲ್ಲಾ ಕುವೆಂಡ ಉದ್ಘಾಟಿಸಿದರು ನಂತರ ಮಾತನಾಡಿದ ಅವರು ಉಲಮಾ ಮತ್ತು ಉಮರಾಗಳು ಒಟ್ಟಾಗಿ ಮುನ್ನಡೆಸುತ್ತಿರುವ KSWA ಸಂಘಟನೆಯ ಜನಪರ ಸೇವೆಯು ಸಮಾಜಕ್ಕೆ ಅತ್ಯಂತ ಫಲಕಾರಿಯಾಗಲಿದೆ ಎಂಬ ಅಭಿಪ್ರಾಯವನ್ನು ವ್ಯಕ್ತಪಡಿಸಿದರು.

KSWA ನ ಸೌದಿ ಅರೇಬಿಯ ರಾಷ್ಟ್ರೀಯ ಚೇರ್ಮೆನ್ ಸಯ್ಯದ್ ಅಬ್ದುಲ್ ಖಾದರ್ ಅಲ್ ಬುಖಾರಿ, ಸೌದಿ ಅರೇಬಿಯ ರಾಷ್ಟ್ರೀಯ ಸಂಚಾಲಕರಾದ ಹಫೀಳ್ ಸಅದಿ ಕೊಳಕೇರಿ ಆಶೀರ್ವಚನ ನೀಡಿದರು. ಜಿಸಿಸಿಯ ಪ್ರಧಾನ ಕಾರ್ಯದರ್ಶಿ ಆಬಿದ್ ಕಂಡಕ್ಕರೆಯವರು ಮುನ್ನುಡಿ ಭಾಷಣ ನಡೆಸುತ್ತಾ ಕೊಡಗಿನ ಜನತೆಗಾಗಿ  KSWA ಅರ್ಪಿಸಿದ ದಾರುಲ್ ಖೈರ್, ಪ್ರಳಯ ಪೀಡತರಿಗೆ ನೆರವು, ವಿಧ್ಯಾರ್ಥಿ ವೇತನ ಮುಂತಾದ ಸಾಧನೆಗಳ ಬಗ್ಗೆ ನೆನಪಿಸಿದರು.

ಹದೀಸ್ ತರಗತಿಗಳಿಗೆ ನೇತೃತ್ವ ನೀಡಿದ ಮುಜೀಬ್ ಸಖಾಫಿ ಉಸ್ತಾದವರನ್ನು ಕೊಡಗು ಸುನ್ನಿ ವೆಲ್ಫೇರ್ ಅಸೋಸಿಯೇಶನ್ ಜಿಸಿಸಿ ನೇತಾರರು ಕಾರ್ಯಕ್ರಮದಲ್ಲಿ ಗೌರವಿಸಲಾಯಿತು.ಕಾರ್ಯಕ್ರಮದಲ್ಲಿ ಬೆಂಗಳೂರಿನ ಸುನ್ನಿ ಸಂಘ ಸಂಸ್ಥೆಗಳ ನಾಯಕರುಗಳು  ಉಪಸ್ಥಿತರಿದ್ದರು.ಕಾರ್ಯಕ್ರಮವನ್ನು ತಾಜುದ್ದೀನ್ ಫಾಝಿಲಿ  ಸ್ವಾಗತಿಸಿ,  ಹಂಝ ಹಲಸೂರು  ವಂದಿಸಿದರು.