ನಾಪೋಕ್ಲು ಕೊಡವ ಸಮಾಜದ ರಸ್ತೆಯಲ್ಲಿ ಶೇಖರಣೆ ಗೊಂಡಿದ್ದ ಮಣ್ಣನ್ನು ತೆರವುಗೊಳಿಸಿದ ಗ್ರಾಮಸ್ಥರು

ವರದಿ :ಝಕರಿಯ ನಾಪೋಕ್ಲು

ನಾಪೋಕ್ಲು (web@timesofcoorg) : ಪಟ್ಟಣದ ಮುಖ್ಯರಸ್ತೆಯಿಂದ ಕೊಡವ ಸಮಾಜಕ್ಕಾಗಿ ಅಜ್ಜಿಮುಟ್ಟ ಗ್ರಾಮಕ್ಕೆ ಹೋಗುವ ರಸ್ತೆಯು ಮಳೆಯಲ್ಲಿ ಮಣ್ಣು ಶೇಖರಣೆಗೊಂಡು ಗುಂಡಿ ಬಿದ್ದಂತಾಗಿ ವಾಹನ ಸವಾರರಿಗೆ ಹಾಗೂ ನಾಗರಿಕರಿಗೆ ಸಂಚಾರಕ್ಕೆ ಅಯೋಗ್ಯವಾಗಿತ್ತು.

ಇದರ ಬಗ್ಗೆ ನಾಗರಿಕರು ಪತ್ರಿಕೆಯ ಮುಖಾಂತರ ರಸ್ತೆಯಲ್ಲಿ ಶೇಕರಣೆ ಗೊಂಡ ಮಣ್ಣನ್ನು ತೆರವುಗೊಳಿಸಲು  ಗ್ರಾಮ ಪಂಚಾಯಿತಿ ಮತ್ತು  ಸಂಬಂಧಪಟ್ಟ ಇಲಾಖೆಯವರಗಮನಕ್ಕೆ ತಂದರೂ ಇದುವರೆಗೂ ಯಾವುದೇ ಕ್ರಮವನ್ನು ಕೈಗೊಳ್ಳದೆ ಇರುವುದನ್ನು ಗಮನಿಸಿದ ಕೊಡಗು ಜಿಲ್ಲಾ ವಕ್ಫ್ ಬೋರ್ಡ್ ನ ಅಧ್ಯಕ್ಷ ನಾಪೋಕ್ಲುವಿನ ಎಂ.ಜಿ. ಜಹೀರ್ ಖಾನ್ ಮತ್ತು ಬಿಜೆಪಿಯ ತಾಲ್ಲೂಕು ಕಾರ್ಯದರ್ಶಿ ಪಾಡಿಯಮ್ಮಂಡ ಮನು ಮಹೇಶ್ ಇಬ್ಬರು ಸೇರಿ ಕಾರ್ಮಿಕರನ್ನು ಸೇರಿಸಿ ರಸ್ತೆಯಲ್ಲಿ ಶೇಖರಣೆಗೊಂಡ ಮಣ್ಣನ್ನು ತೆರವುಗೊಳಿಸಿ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು.ಇವರ ಈ ಉತ್ತಮ ಕಾರ್ಯಕ್ಕೆ ನಾಗರಿಕರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.