ಮುಸ್ಲಿಂ ಸ್ಟೂಡೆಂಟ್ ಫೆಡರೇಶನ್ (msf) ಪುತ್ತೂರು ವಿಧಾನಸಭಾ ಕ್ಷೇತ್ರ ಸಮಿತಿ ಅಸ್ತಿತ್ವಕ್ಕೆ

ಪುತ್ತೂರು ( ದ.ಕ web@timesofcoorg) :  ಇಂಡಿಯನ್ ಯೂನಿಯನ್ ಮುಸ್ಲಿಂ ಲೀಗ್ ಇದರ ವಿದ್ಯಾರ್ಥಿ ಸಂಘಟನೆಯಾದ ಮುಸ್ಲಿಂ ಸ್ಟೂಡೆಂಟ್ ಫೆಡರೇಶನ್ (msf) ಪುತ್ತೂರು ವಿಧಾನಸಭಾ ಕ್ಷೇತ್ರ ಸಮಿತಿ ರಚನೆ ಮಾಡಲಾಯಿತು. msf ದಕ್ಷಿಣ ಕನ್ನಡ ಜಿಲ್ಲಾಧ್ಯಕ್ಷರಾದ ಮುಸ್ತಫಾ ಕಟ್ಟತ್ತಾರ್ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಶಫೀಖ್ ರಹ್ಮಾನಿ ಕಟ್ಟತ್ತಾರ್ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಶಂಸುಲ್ ಉಲಮಾ ಅರಬಿಕ್ ಕಾಲೇಜು ವಿದ್ಯಾರ್ಥಿ ಸವಾದ್ ಪರ್ಪುಂಜ ಪ್ರಾಸ್ತಾವಿಕವಾಗಿ ಮಾತನಾಡಿದರು , msf ಬಂಟ್ವಾಳ ವಿಧಾನಸಭಾ ಕ್ಷೇತ್ರಾಧ್ಯಕ್ಷರಾದ ಝಬೀರ್ ಕೊಡಾಜೆ ಮುಖ್ಯ ಭಾಷಣಗೈದರು, ನಂತರ ನೂತನ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಾಯಿತು. ಅಧ್ಯಕ್ಷರಾಗಿ ಹನೀಫ್ ಕೂಡುರಸ್ತೆ , ಪ್ರಧಾನ ಕಾರ್ಯದರ್ಶಿಯಾಗಿ ರಮೀಝ್ ಕೂರ್ನಡ್ಕ , ಕೋಶಾಧಿಕಾರಿಯಾಗಿ ಸಿದ್ಧೀಖ್ ನೆಟ್ಟಾರ್ ಆಯ್ಕೆಯಾದರು.ರಿಫಾಯಿ ಕುಂಬ್ರ , ಉನೈಸ್ ಅವರು ಉಪಾಧ್ಯಕ್ಷರಾಗಿ ನೇಮಕಗೊಂಡರು. ಕಾರ್ಯದರ್ಶಿಯಾಗಿ ಅನ್ಸಾರ್ ಬಾಲಯಾ ಹಾಗೂ ಸ್ವಾಲಿಹ್ ಕಟ್ಟತ್ತಾರ್  ಆಯ್ಕೆಯಾದರು. ಸವಾದ್ ಪರ್ಪುಂಜ , ರಿಯಾಝ್ ಸವಣೂರು ಹಾಗೂ ಶರೀಫ್ ಕಟ್ಟತ್ತಾರ್ ಅವರನ್ನು ಮೀಡಿಯಾ ಕಾರ್ಯದರ್ಶಿ ಹಾಗೂ ಆಶಿಖ್ ಮುಂಡೋಳೆ, ಸುಹೈಲ್ ಕೂಡುರಸ್ತೆ ಕಾರ್ಯಕಾರಿ ಸಮಿತಿ ಸದಸ್ಯರಾಗಿ ಆಯ್ಕೆಯಾದರು.

ಕಾರ್ಯಕ್ರಮದಲ್ಲಿ ಮುಸ್ಲಿಂ ಯೂತ್ ಲೀಗ್ ಜಿಲ್ಲಾ ಉಪಾಧ್ಯಕ್ಷರಾದ ನೌಫಲ್ ಅಜ್ಜಿಕಲ್ಲು , ಝೋನಲ್ ಕಾರ್ಯದರ್ಶಿ ಮಜೀದ್ ಸವಣೂರು , ಮುಸ್ತಫಾ ರೆಂಜಲಾಡಿ , ರಶೀದ್ ಯಮಾನಿ ಕಟ್ಟತ್ತಾರ್ ಮತ್ತಿತ್ತರರು ಉಪಸ್ಥಿತರಿದ್ದರು. ಸಿದ್ಧೀಖ್ ನೆಟ್ಟಾರ್ ಸ್ವಾಗತಿಸಿ , ವಂದಿಸಿದರು.